Шукаеце зразумелае страхаванне?…

Хто дапамагае людзям і прадпрыемствам разабрацца ў складаных пытаннях страхавання? У першую чаргу гэта страхавы брокер - асоба, якая выступае незалежным пасярэднікам паміж страхавальнікам і страхоўшчыкам або паміж перастрахавальнікам і перастрахоўшчыкам пры заключэнні і выкананні дагавораў страхавання (перастрахавання). З улікам заканадаўства розных краін брокерам можа быць юрыдычная або фізічная асоба.

Брокер стварае матрыцу камунікацый паміж страхавальнікам і страхоўшчыкам, дзейнічае, у першую чаргу, у інтарэсах страхавальніка, аказвае яму ўвесь спектр паслуг - ад падрыхтоўкі і выбару страхавой праграмы да ўрэгулявання страхавога выпадку і атрымання выплат.

Страхавы брокер, у адрозненне ад агента, з'яўляецца прафесійным удзельнікам страхавога рынку і на заканадаўчым узроўні да яго дзейнасці прад'яўляюцца павышаныя патрабаванні. Паслугі брокера адрозніваюцца высокай якасцю, аплату яго паслуг робіць, з улікам умоў пагаднення і патрабаванняў заканадаўства, страхавая арганізацыя або страхавальнік (кліент). Прыярытэтнымі напрамкамі для брокера звычайна з'яўляюцца праца са складанымі аб'ектамі і відамі страхавання (маёмасць і адказнасць прадпрыемстваў, грузы, будаўніча-мантажныя рызыкі, персанал і інш.), а таксама комплекснае страхавое суправаджэнне юрыдычных асоб і іх бізнесу.

Некаторыя брокеры спецыялізуюцца толькі на перастрахаванні, некаторыя на прамым страхаванні. Брокеры актыўна ўдзельнічаюць у ацэнцы рызыкі і страхавым кансалтынгу.

У кожнай краіне ёсць свае асаблівасці ў рэгуляванні дзейнасці брокераў.

У Беларусі асноўным нарматыўным актам з'яўляецца "Палажэнне аб страхавой дзейнасці ў Рэспубліцы Беларусь" (Зацверджана Указам Прэзідэнта ад 25.08.2006 г. №530). Брокерам можа быць толькі юрыдычная асоба, атрыманне ліцэнзіі не патрабуецца, але ёсць патрабаванні да мінімальнага статутнага фонду.

Страхавы брокер мае права:

- ажыццяўляць пошук страхавальнікаў або падбор страхоўшчыка;

- аказваць кансультацыйныя і інфармацыйныя паслугі па страхаванні;

- аказваць дапамогу ў падрыхтоўцы (афармленні) дакументаў, неабходных для атрымання страхавой выплаты;

- афармляць страхавыя полісы (пасведчанні, сертыфікаты) і іншыя дакументы, неабходныя для заключэння дагавораў страхавання;

- заключаць, у тым ліку падпісваць, па даручэнні страхоўшчыка дагаворы страхавання, у тым ліку страхавыя полісы (пасведчанні, сертыфікаты), у межах паўнамоцтваў, прадастаўленых страхоўшчыкам;

- заключаць, у тым ліку падпісваць, дагаворы перастрахавання ў межах паўнамоцтваў, прадастаўленых страхавой (перастраховачнай) арганізацыяй, і пры наяўнасці згоды на перадачу (прыняцце) страхавых рызык;

- прадастаўляць або аказваць садзейнічанне ў прадастаўленні зацікаўленым асобам паслуг у ацэнцы страхавой рызыкі пры заключэнні дагавора страхавання, у ацэнцы страты і вызначэнні памеру выплаты страхавой кампенсацыі, а таксама ў кампенсацыі страт пры надыходзе страхавога выпадку;

- атрымліваць страхавыя ўзносы па дагаворах страхавання (перастрахавання) пры наяўнасці адпаведнай умовы ў пагадненні са страхоўшчыкам;

- атрымліваць і (або) пералічваць сумы страт, якія падлягаюць кампенсацыі па рызыках, перададзеных (прынятым) у перастрахаванне, і сумы, што пакрываюцца страхоўшчыку ў межах рэалізацыі яго права патрабавання да асобы, адказнай за страты, пры наяўнасці адпаведнай умовы ў дагаворах, заключаных імі са страхавымі (перастраховачнымі) арганізацыямі.

Канкрэтны пералік паслуг, якія прадстаўляюцца брокерам, вызначаецца ў дагаворах, заключаных ім са страхавальнікамі і (або) страхоўшчыкамі. У Беларусі брокер мае права ажыццяўляць дзейнасць толькі па відах добраахвотнага страхавання.

У цяперашні час у краіне дзейнічае 24 брокерскіх кампаніі, найстарэйшая з іх – СтрахЭкспертГруп (створана ў 1997 годзе). На долю брокераў прыпадае прыкладна 9-10% узносаў па ўсіх відах добраахвотнага страхавання.

Матэрыял падрыхтаваны да XXX дня беларускага пісьменства.

Заўседы Ваш,

Страхавы брокер “СтрахЭкспертГруп”

28 жніўня 2023 года